Wanted Textmate

Isang araw habang ako ay nakahiga sa aking higaan, bigla kong naisip na maghanap ng kausap na hindi ko pa kilala o nakikita. Habang umaakyat ang sikat ng araw sa aking kwarto ay saka naman ang pagpasok ng isang ideya sa aking utak. Dali-dali akong naghilamos at nag-ayos ng sarili. Kumain ng almusal at nagsipilyo. Pagkatapos ay pumunta sa pinakamalapit na computer shop. Binuksan ko agad ang Mozilla Firefox na web browser at hinanap sa Google ang salitang textmate. Maraming lumabasa sa aking paghahanap. Isa-isa kong pinuntahan ang bawat website at tinignan kung naroon ang aking hinahanap. Halos sampung website aking napuntahan ngunit bigo pa din ako. Pinuntahan ko muna ang paborito kong website na tenmanga.com  at tinignan kung mayroon na bang mga updates sa sinusubaybayan kong manga. Wala pa ring nagbago kaya pumunta naman ako sa watchop.com para tignan kung may bagong episode iyong One Piece. Wala ring bago sa website. Nag-isip-isip muna ako ng gagawin tapos ay sinubukan kong ilagay sa search bar ang salitang wanted textmate. Bumulaga sa aking mata ang website  na wantedtextmate.com. Pinuntahan ko ang site at tinignan kung anong meron doon. Sinabi ko sa sarili ko na ito na nga ang hinahanap ko. Kitang kita ko ang mga numero ng iba't ibang mga tao na naghahanap din ng bagong kakilala sa pamamagitan ng cellphone. Inisa isa kong basahin ang mga nakasaad sa bawat numero na mga mensahe. May nakita akong naghahanap ng lalaking textmate. Agad ko namang kinuha ang numero niya at nilagay sa aking cellphone. Pagkatapos ay naghanap pa ako ulit. Marami akong nakuhang numero at lahat ay inilagay ko sa aking cellphone. Pagkatapos ay umuwi na ako sa apartment. Isa-isa kong pinadalhan ng mensahe ang mga numero. Naghintay ng ilang sandali at biglang tumunog ang cellphone ko. Nakita ko na may bago akong mensahe galing sa isang numero. Binasa ko ang mensahe at sinagot ang kanyang text. Ilang beses din kaming nagpalitan ng mga mensahe hanggang lagi na kaming magkausap sa cellphone. Nawili ako sa aking bagong tuklas na website. Kapag may oras ako ay lagi ko itong binibisita para maghanap ng bagong kakilala. Naging bahagi na siya ng aking pang-araw-araw na gawain. Kayo may bago ba kayong nalaman sa Internet? Pwede kayong sumali at ibahagi sa akin ang inyong mga bagong tuklas na mga bagay mula sa Internet. Hanggang sa muli po, ako ang inyong tagapagtuklas na si JasperTore.